Новый летописец.

 ПРОДОЛЖЕНИЕ

 

Глава 9.

О взятии столнаго града Древлянскаго Коростеня.

И паки собрав многое воинство и взять с собою сына своего Святослава, пойде на Древляны; Древляне же изыдоша противу ея. Бывшу же бою побеждени быша Древляне и побегше затворишася в градех. Ольга же шеши взять грады их, и приеде до главнаго их града Коростеня, и обступи его, в нем же затворишася убившие Игоря; и бияхуся из града крепко. Ольга же стояше под градом лето едино, и не могуща взяти, посла ко гражданам глаголющи: все грады ваши предашася мне, нивы делают, и дани дают, вы же чесо ради не хощете предатися мне, и от глада умираете? Древляне же рекоша: ради быхом дань даяти, но боимся мшения за убиение мужа твоего. Ольга паки посла к ним глаголюще: уже аз воздах месть вам, большия же дани не требую от вас, яко же муж мой, но точию знак повинности вашея явите ми, изнеможения ради вашего не отягчаю вас данию; вем бо, яко ныне не имате что дати, но дадите ми от всякаго дому по три голубя и по три врабия. Древляне же, сие слышавше, обвеселишася и поругашася в себе глаголющи: яко жена есть, несмысленная деет, таковую дань взимая; и собраша дань, послаша к ней с молением; она же повеле врабии и голуби прияти, и рече к ним: се уже вы мне и сыну моему покористеся; идите во град свой, аз же не днесь устрою. Устроя же отъиду от града. Слышавша же сие, граждане почи благонадежни быша. Ольга же оныя голуби и врабии раздаде воинству своему и повеле к коемуждо их под крыле и ошиби подвязать фитили с огнем и серу и смолу подлагати, и в вечер веле их пустити; голуби же и врабии прилете кийждо до гнезда своего во град с оными огни и запалиша град, а Ольга повеле ко граду приступати.Сущии же во граде, не терпеща огня, побегоши из града и мнози падоша от меча, инии же в плен взяшася, на оставльших же Ольга возложи дань, и тако всю древлянскую землю облада и прохождаше по стране оной, уставляющи дани, и тако с победою возвратися в Киев.

Глава 10.

О взятии многих градов.

Сын же ея Святослав прийде в возраст и воева на Болгары и по Дунаю взял 13 градов, самодержствуя живий в Болгарех, в Переасловце, и на Царьграде дани взимая, бяше бо храб и легок, и совокупляя воины многия и храбрыя; возов же за собою никогда же нияше, ниже шатров и котлов, мяс же не вараше, но тонко изрезав печаще на углии, и тако питашеся: спаши же на войлоце и опончею одевашеся, возглавие же седло употребляше, того ради роскошных людей и супротивныя всюду побеждая. В лето же 6475 Болгары Дунайские одолев и взя 80 градов их и седе в Переаславце граде их, Греческаго же воинства 100 000 победив токмо 10 000 и дань велию взяв на Царьграде

Глава 11.

О хождении блаженныя Ольги на Царьград.

    Та же возжела Блаженная Ольга видети службу Христиански веры и слышати слово благочестия и восхоте ити сама ко Царьграду, и тако пойде ко Царьграду, в нем же тогда царствующу Иоанну Цимихию. Егда же прииде, тогда царь Иоанн возва ю до себе честно, и видев красоту лица ея, и слышав премудрыя глаголы, вельми почудися и возжела ея уловити к смешению своему, и начать ей сие являти притчами, нарицая ея царицею, аще за него посягнет и примет Христианскую веру. Блаженная же Ольга, слышав таковыя глаголы, позна лесть его и помолився Богу в мысли своей, да ея избавит от таковаго ловления и сети диаволи, таже рече ко Царю: аз убо, о Царю! прежде пришествия своего, сехо слышах ушима моима о вере Христианстей и о вашем царствии; ныне же сподобихся очима видети красоту непорчнаго закона Божия, а ежи ты глаголеши причтатися мне царскому твоему чертогу и с тобою царствовати, его же и аз не отрицаюся, но есьм погана и сын мой такожде, ему же вси вы дани даете; но прежде аз желаю креститися от всея души, на се бо и приидох семо, ты же сему свидетель не ложен да будеши, еже ко Христу обещания моего; егда же просвещенна буду, тогда и волю твою сотворю. Царь же ничто же размыслив, точию восхоте, да вскоре брак будет, мняше бо Ольгу ко браку готову имети, тщашеся, да вскоре крещенна будет; тогда Святейший Патриарх Фотий со священным собором огласив блаженную Ольгу и крести ея во имя Отца, и Сына, и Святаго Духа восприемник же от святыя купели сам Царь бысть. И тако блаженная Ольга крестися в лета 6463 (955г. Р.Х.), и бысть причастница святых тайн тела и крови Христово прехитрилай. Святейший же Патриарх начат ея поучати довольно от Святаго Евангелия, о посте, о молитве и о целомудрии; она же преклонь главу стояше, глаголемая же Патриархом вся собираше в сердцы своем, и тако поучив и благословив отпусти ю. Ольга же даде Патриарху на потребу олтаря блюдо златое со драгими камении и бесером, и тако изыде из церкве полна сущи духовнаго богатства. Царь же хотящи намерение свое совершити, паки призывает блаженную во царская и составляет к ней тщетныя глаголы: ныне (рече) приспе время, еже чертогу уготовитеся уже, посягни за мя и будеше ми царица и царствию моему наследница. Ольга же блаженная рече ему: како можеши мя дщерь свою крестную в жену прияти? Ибо неточию в законе християнском, но и в поганех скверно есть и отметно отцу дщерь свою жену водити. Усумневжеся Кесарь о сем и рече к ней: прехитрила мя еси Ольго; и дав ей превеликия дары, отпусти во свояси; Патриарх же подаде ей благословение и пресвитера с нею посла. Возвртившежеся Великая Княгиня Ольга, первоначальная от Святаго крещения Мати Российская Елена, в Киев, много Россов ко Христу обрати и святым крещением просвети, и в Киеве первую церковь Святаго Николы на Оскольдовой могиле от себя постави, сына ж своего Святослава всякими мерами невозможе ко Христу обратити, зане зело муж храбр бысть, и все свое житие воински ведяше; сего ради и матери своей в том послушати отречеся, глаголя: аще аз окрещуся, тогда людие и сверстники моя сотворити сего не похотят, и меня отступят; мне же не будет с кем ратовати и отчины заступати; о храбрости же его зри выше.

Иногда же блаженная Ольга, бывши близ реки, глаголемые Псковы, бяше же тамо лес велий, тамо виде блаженная свет велий, осияющь все место оно; блаженная же Ольга прорече глаголя: яко на сем месте имать быти церковь Живоначальныя Троицы, и град велик и изобилен.

Внук же Рюриков, приемше совершенную власть от матере своея Елены, по крещении ея, нача княжити в Киове над всеми Российскими княжениями, подби же под свою власть Козарей людей Российских же народов и доста главнаго их града Беловеса. Не сущу же Святославу в Киове, Печенези от тех стран, идеже Литва, Жмоит с прочими, во многой силе пришедши под Киев, обступивия град. Елена же со тремя внуки своими, сынами Святославлими: Ярополком, Ольгом и Владимером, - затворившися во граде, посла к Святославу вестники; он же абие вскоре пришед порази Печенеги.

Посем глаголаше ему Елена: сыну мой Святославе! Уже аз отхожду света сего, ты же погребши мя пойдеши, иде же хощеши. И тако, аки пророчица смерти своея третьего дня отъиде; и плакася по ней сын ея, и внуци и все людие, и погребена бысть пресвитером Христианским, его же при себе имяше, от негож бяше и поминаема. Всех лет жития сего поживе блаженная яко 80: кости ж ея в царство внука ея Равноапостольнаго Владимира и Митрополита Леонтия обретошася целы, их же Владимр за святыя поднесе, и день празднования ея уставлено Фотием Патриархом Цареградским Иулия в 11 день.

По погребении же честнаго телеси блаженныя Елены, сын ея Святослав раздели Российския княжения своя трем сынам своим: старейшему ярополку даде Киев, среднемуж Ольгу - Древляны с Коростенем и Переяславлем, юнейшему же Владимиру - Новгород Великий, по прошению Новгородцев; сам же не могий в тишине обитати, яко воинский муж, иде на на государства Гречестии войною, царствующим Кесарем Василию и Костянтину; порази же греки и грады многи побра и велие разорение содела. Егда же прочии Князие искаху у него чрез различные дары покоя, Святослав от них не хотяше брати ни злата, ни сребра, ни бисерей, точию оружие, щиты, мечи и паволоки, чесо ради смути весь народ Греческий, и восташа на Князей своих рекущи, яко под сицеваго Кесаря державою добре есть быти, иже ни злата, ни сребра, ни бисери, но оружие вящши и броня ради заступления отчины и наследия своего любить. Егда же с велиею славою возвращашася к Киеву, заступиша ему путь Печенези на месте злом, к бою неудобном, между порогами не далече Белобережа, и озиме тамо во осаде; на весне же нападе Князь Печенежский Кура или Курес и порази Русь а Святослава жива вземши, повеле ему главу отсещи и соделати с ея кости чашу златом обложенну с сицевым надписанием: ищай чужаго, свое погубляет: пияше же от тоя чаши всегда веселясь о оной славной победе. И бысть княжения Светославля лет всех 28.

Глава 12.

О сыне Свинделеве Люте.

 В лето 6483 (975г. Р.Х.), владея в Киеве Ярополк, у него же бяше некий сановник именем Свиндельд, иже имея сына именем Люта, той Лют шед из Киева ловы деяти,, такожде и Князь Олег Древлянский изшед из града, ловы деяше. Лют же начат гоняти зверя; его же узре Олег, вопрося: кто еси ты? он же отвеща: яко Свиндельдов сын. Олег же уби его, и от того времени начася ненависть Ярополча на Ольга. Свиндельд же всегда подущаше Ярополка, дабы шел на брата своего и приял бы власть его, хотя тем мстити смерть сына своего. Ярополк же Свиндельдовым подущением, иже еще советником бяше отцу его, воста на брата своего бранию; брани же бывши паде рать Древлянска, а Князь Ольг, убегающи во град свой Варич, ныне зовомый Овручов, и не могий между множества во град,протиснутися, с моста высока с прочими бежавшими сопихнен, скончася. Владимир же Князь Великоновогородский, яко услаша о убиение Ольгове, абие убояся и себе подобна зла, побеже за море к Варягом; а Ярополк пришед тамо, взя Новград, и посади в нем наместника своего, и тако соделася всея России Самодержец.

В лето 6484 Владимр собрав многую силу Варяг, возвратися к Великому Новуграду и взят его; наместника ж Ярополкова изгна, и своего посади, и посла к Рогвольду, Князю Псковскому, да ему даст свою Рогнеду в жену; но Рогнеда нехотяше, желая быти за Ярополком. Разгневавжеся Владимир пойде на Рогвальда и порази воинство его, самого же и дву сынов его уби, а Рогнеду взя себе в жену, и оттоле с готовыми ратьми пойде на Ярополка к Киеву. Ярополк же затворися в Киеве. Владимир же видя, яко воинским промыслом не одолети града, посла тайно к Воеводе Киевскому, именем ивещию Блуду, обещая ему честь и дары, да поможет Ярополка убити; Блуд же, яко изменник, обещася сотворити и нача Ярополку советовати к бегству из града, а Владимиру веле всячески приступати. Ярополк же не позна Блудова лукавства, побеже из Киева ко граду Городеню, иже бысть на устие реки Сумы. Владимир же вземши Киев, пойде за Ярополком; Блуд же окаянный паки советова Ярополку молити Владимира о смирении, ко Владимиру же посла, абие обещая ему Ярополка предати. Ярополк же по совету Блудову пустися на милость братнюю. Исходящу же ему из врат града, абие два Варяга прободаша его мечами под пазухи. Владимиру на сие зрящу от единыя вежи; По его же смерти поят Владимир за ся жену Ярополкову сущу не праздну окаянным Святополком, родом грекина, именем Ксения, ея же Святослав плени инокению и красоты ради вдаде ея Ярополку.

Глава 13.

О послах различных, к вере Владимира увещавающих.

    Егда Великий Князь Владимир, Самодержец всеа России, храбростию и величеством царствия, всюду прославися паче иных, начаша к нему приходити посланники от различных вер соизволити, всяк возвещеющи ему и хвалящи свою веру и его призывающи. В начале приидоша Махометани, вопрошени ж о вере реша: веруем Богу, а Махомет изволяет нам жен имети, елико кто хощет и всякия сласти употребляти, обрезоватися, свиного мяса не ести, вина не пити, и прочая блядословляху многая. Владимир же, яко женолюбив бе, прилежиее о женах о женах послушаше, обрезание же и непитие вина не возлюбися ему, рече к ним: не можем мы пребывати без вина, понеже в Россианех все веселие и приятство в подпитии бывает; такожде и Татаром, Египтяном, Аровляном, Немцом, Жидом и прочим отрече. Присылаше же и Римский папа, и Кесари, и Князи, да приимет их веру и закон Христианский; но Владимир им не хоте, точию послы Гречестии место у него с верою и уставами своими имеша.

 

Глава 14.

О крещении Владимировом, и всей России.

По многом же испытании разных вер, паче всех изволися Владимиру прияти веру Греческаго закона. Крещен же в Херсоне Архиепископом Херсонским в лето 6496 (988г. Р.Х.), и исцеление прият болящим очесем своим телесным, и душевныя очеса просвети; наречен же Василием. Возвратижеся в Киев с новобрачною женою Анною, юже взя в Херсоне, сестру Греческих Кесарей, и в Киеве крестити повеле весь народ от мала и до велика, и сыны своя и всю Русскую землю просвети крещением.

 

Глава 15.

О преставлении Владимира.

    Посем разболеся Великий Князь Владимир, в тож время прийдоша ратию Печенези; прииде же к нему от града своего сын его Борис. Владимир же вся воя своя даде в руце Борисове, посла его противу Печенег, сам же в ооной болезни преставися на Берестовом, в лето 6525 Июля в 15 день; царствова лет 35 в неверии 8 лет, а окрестившися 27. Святополк же потаив смерть его и обвив тело его в ковер, нощию возложи на сани и првезжи постави в церкви Пресвятыя Богородицы Десятинной в раке мраморней, и погребе его с великою жалостию и плачем всего народа.